پێناسەى رێکخراو

ڕێکخراوێکی ناحکومی ڕۆشنبیری کۆمەڵایەتی کەلتوری قازانج نەويستە کە لە ساڵی ٢٠٢٤ دامەزراوە، کاردەکات بۆ زیندوو هێشتنەوە و ناساندنی ئەسپی ڕەسەنی کورد لە کوردستان و وڵاتانی جیهان و کۆکردنەوەی مێژووی ئەو ئەسپانەی کە ناو و ناونیشان و ڕەچەڵەکی تایبەت بە کورد یان خۆیان هەیە.

ئامانجەکانی رێکخراو

1. هەوڵدان بۆ ڕەخساندنی زەمینەی گونجاو بۆ ئاڵوگۆڕی شارستانی بیروڕا لەسەر ئەسپی ڕەسەنی کوردی.
2. ڕێکخستنی كاروچالاكى و نمایشی ساڵانە و ئەنجامدانى فیستیڤاڵی تایبەت بە ئەسپی ڕەسەنی کوردی.
3. بانگهێشت کردنی ڕێکخراوە جیهانیەکانی تایبەت بە ئەسپ بۆ ناساندنی ئەسپی ڕەسەنی کوردی.
4. بڵاوکردنەوەی گۆڤار و ڕۆژنامە و نامیلکە و ئەنجامدانی وۆرکشۆپی تایبەت بە كارو چالاکیەکانی ڕێکخراوەکەمان .
5.  پاراستن و پەرەپێدانی نەژادی ئەسپی ڕەسەنی کوردی.
6. تۆمارکردنی ناوی نەژادی ئەسپی ڕەسەنی کوردی و دەرکردنی شوناسنامەی تایبەت بە ئەسپەکە.
7. کۆکردنەوەی ئەو بەڵگە مێژووییانەی لەسەر ئەسپی ڕەسەنی کوردی هەن .
8. دۆزینەوەی چارەسەری گرفت و نەخۆشیەکانی ئەسپی ڕەسەنی کوردی.
9. پێگیری کردن بە یاسا بەرکارەکانی هەرێمی کوردستان.
10. پاراستنی بەرژەوەندییە گشتی و باڵاکانی هەرێمی کوردستان.